سر بطاطس طباخين

أكبر غلطة بتخليها تطلع صايصه والبطاطس تتهري. سر صنيه بطاطس طباخين الأفراح وأكبر شيفات مصر ;

سر بطاطس طباخين الأفراح وأكبر شيفات مصر… أخيرًا هقولك السر اللي محدش بيقوله! كلنا بنعمل صينية بطاطس… لكن ليه بطاطس الأفراح ريحتها تملأ البيت، وصلصتها متسبكة، والبطاطس فيها دايبة من جوه وماسكة نفسها من بره؟ السر مش في نوع البطاطس… السر في التسبيكة الصح، والثوم الصحيح، وترتيب المكونات، والصبر على الصينية وهي في الفرن. كل خطوة بتفرق في الطعم النهائي، ولو اتعملت صح هتاكلي أحلى صينية بطاطس من غير أي إضافات.

— المقادير: كيلو ونصف بطاطس مقطعة حلقات متوسطة السمك 2 بصلة كبيرة شرائح لتر عصير طماطم طازج ملعقة كبيرة معجون طماطم 8 فصوص ثوم صحيحة + 4 فصوص ثوم مفروم 2 فلفل أخضر صحيح فلفل حار حسب الرغبة 2 ملعقة كبيرة سمنة بلدي 2 ملعقة كبيرة زيت التوابل: ملح فلفل أسود بابريكا رشة كمون ورقتا لورا 2 حبهان ملعقة صغيرة سكر — الطريقة بالتفصيل: سخني السمنة مع الزيت في حلة تقيلة، وانزلي بالبصل الشرائح على نـ,ـار متوسطة مع رشة ملح بسيطة، وسيبيه ياخد وقته لحد ما يدبل ويتحول لونه دهبي فاتح، لأن دي أول خطوة بتدي الصلصة طعمها الحلو.

ضيفي الثوم الصحيح الأول وقلبيه دقيقة علشان يطلع ريحته، وبعدها انزلي بالثوم المفروم وقلبيه ثواني فقط من غير ما يتحرق. ضيفي معجون الطماطم وقلبيه دقيقة كاملة مع البصل والثوم، وبعدها انزلي بعصير الطماطم وقلبي كويس. حطي الملح والفلفل والبابريكا والكمون وورق اللورا والحبهان ورشة السكر، وسيبي الصلصة على نار هادئة من 20 إلى 25 دقيقة مع التقليب كل شوية، لحد ما لونها يبقى أحمر غامق، والزيت يبدأ يظهر على الوش، والقوام يبقى تقيل ومتسبك.