سر مو.ت بنتي

عثمان عبد السلام اتحاصر واتقبض عليه في موقع الحاډث.. والشبكة السرية كلها اتفككت في أكبر قضية أمن دولة. بعد ما كل حاجة خلصت، نادية قربت مني والدكاترة ينقلوها هناء.. في حاجة أخيرًا لازم تعرفيها.. نور مماتتش في ساعتها من الانف. جار.. لما وقعت كانت لسه بتتنفس لثواني.. وقبل ما تغمض عينها قالت بابا جاي ينقذني.. هما منعوا أحمد يوصلها في الثواني الأخيرة دي.

انهرت على الأرض.. قعدت أصرخ وأبكي بعلو صوتي.. عياط السنين اللي حبسته جوايا طلع كله في اللحظة دي.. أحمد جِه وقعد جنبي على الأرض، ما لمسنيش ولا حاول يهديني، سابني أطلع كل الۏجع اللي في قلبي وهو بيعيط معايا في صمت. مرت سنتين.. أحمد استقال من الجيش تماماً، وفتح مؤسسة لرعاية أطفال الشهداء.. ونادية شهدت في القضية وأخوها أتحرر. وأنا كملت أبحاث أبويا في تطوير أنظمة حماية المدنيين.

في يوم، كنت واقفة عند قبر نور بحط ورد.. أحمد كان واقف بعيد.. مكنش بيقرب غير لما أسمح له. قرب وقعد جنبي على الركبة أنا آسف يا نور.. سامحيني يا حبيبتي. بصيت له.. شفت انكسار راجل فقد كل حاجة، وشاركت معاه نفس الۏجع لأول مرة. مسكت إيده.. مش عشان نسيت اللي حصل، ولا عشان الچرح لمّ.

. بس عشان عرفت إنه هو كمان كان مجني عليه وأب مكسور. أحمد.. إحنا عمرنا ما هنرجع زي زمان. عارف. والبيت القديم ماټ خلاص. عارف. لو في يوم الطرق اتجمعت تاني.. هتبقى بداية جديدة خالص، لست جديدة وراجل جديد. ابتسم بدموع أنا مستني اليوم ده. وبعد سنة كاملة.. أتقابلنا في كافيه هادي.. هو مش لابس بدلة عسكرية، وأنا مش الست المکسورة اللي مستنياه يرجع من القاعدة..

أتقابلنا ك إثنين أحرار، اختاروا بعض عن فهم وإرادة، وبدون أسرار. نور مماتتش هدر.. ذكراها هي اللي أنقذتني، وهي اللي خلتني أعرف إن القوة مش إنك ما تتكسرش.. القوة إنك بعد ما تتكسر مية حتة، تقوم وتلم نفسك وتختار تعيش من جديد! النهاية خاص لصفحة روايات وحكايات محمد نور و وردة احمد